Wasiirka warfaafinta oo ka tacsiyeeyay geerida Allaha u naxariistee Hindiyo Xaaji Maxamed

0

Wasiirka warfaafinta Dhaqanka iyo Dalxiiska mudane Maxamed Cabdi Xayir “Maareeye” ayaa uga tacsiyeeyay ummadda Soomaaliyeed gaar ahaan eheladi iyo asxaabtii ay ks geeriyootay Allaha u naxariistee Hindiyo Xaaji Maxamed oo u geeriyootay dhaawac ka soo gaaray qarax loogu xiray gaarigeeda xilli ay mareysay nawaaxiga K. M. 4 ee magaalada Muqdisho.

Wasiirka ayaa si kulul u cambaareerayay weerarkaasi waxashnimada ah oo lala beegsaday Allaha u naxariistee Hindiyo Xaaji Maxamed oo ka tirsaneyd wariyayaasha ka howlgala Radio Muqdisho iyo Telefishinka Qaranka Soomaaliyeed.

Mudane Maxamed Cabdi Xayir Maareeye wasiirka warfaafinta dhaqanka iyo Dalxiiska ayaa Hindiyo Xaaji ku tilmaamay shaqsi wadani ah oo si hifan ugu shaqeyneysay dadka iyo dalka Soomaaliyeed, wuxuuna intaasi ku daray in kuwii ka dambeeyay dilka wariyahaasi lagu daba joogo sharcigana la horgeyn doono.

INNAA LILLAAHI WA INNAA ILEYHI RAAJICUUN

Akhrisay (2)

Share.

About Author

Leave A Reply